USD87.45EUR95.88RUB1.07
24.kg

Анкарада эс-тутумун жоготкон кыргызстандык кыз мекенине кайтып келет

10:11, 08 сентября 2017, Бишкек - 24.kg

Анкарада эс-тутумун жоготкон кыргызстандык кыз мекенине кайтып келет. Бул тууралуу Тышкы иштер министрлигинин маалымат катчысы Айымкан Кулукеева билдирди.

Анын айтымында, Анара Орозова бүгүн Бишкекке учуп келет. 

Эскерте кетсек, Facebook социалдык түйүнүнүн колдонуучусу Акбалык Жумалиева эс-тутумун жоготуп, Анкаранын көчөлөрүндө тентип жүргөн кыргыз кыздын сүрөтүн жарыялаган. Түркиядагы мекендештер кыздын психикалык абалы начар экендигин, эч кимди жанына жолотпой, сүйлөшпөй жаткандыгын билдиришкен.

Кийинчерек кыздын атасы табылып, ал кызы иштеп келүү үчүн Түркияга кеткендигин айтып, аны Кыргызстанга кайтарып келүүгө жардам сурайт.

Кыргызстандын Анкарадагы элчилигинин кызматкерлери кызды полицияны бөлүмүнөн алып чыгып, оорууанага жаткарышкан. Түркиядагы кыргыздар Анара Орозованын дарылануусуна жана учакка билетине акча беришкен. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18