USD87.45EUR95.88RUB1.07
24.kg

Өмүрбек Текебаев акталса тил сынагын тапшыра алат

14:22, 14 августа 2017, Бишкек - 24.kg
Анастасия БЕНГАРД

«Ата-Мекен» партиясынын лидери Өмүрбек Текебаев соттон акталса, ал мамлекеттик тил сынагын тапшыра алат. Бул тууралуу бүгүн Борбордук шайлоо комиссиясынын төрайымы Нуржан Шайлдабекова маалымдады.

Анын айтымында, талапкер акталса, БШК анын баардык укуктарын камсыз кылууга даяр.

«Азыр ага талапкер катары шарт түзүү эмес, ал үчүн өзгөчө шарттарды жаратуу маселеси турат. Биз анте албайбыз. БШК өзгөчө чечим кабыл алып, Текебаевди тестке катыштыруу буйругун бере албайбыз» — деди ал.

Эскерте кетсек, Өмүрбек Текебаев 26-июлда тест тапшырышы керек болчу. Бирок, сот дагы, БШК дагы ага сынакка катышууга жол ачуу маселесин кароодон баш тартышкан. Боршайкомдун бул чечимине талапкердин жактоочулары райондор аралык сотуна даттанышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18