USD87.45EUR95.88RUB1.07
24.kg

Казакстан Батыштын Россияга каршы санкцияларынан кооптонот

08:49, 08 августа 2017, Бишкек - 24.kg

Батыштын Россияга каршы санкциялары Казакстандын экономикасына дагы кедергисин тийгизиши мүмкүн. Бул тууралуу  президент Нурсултан Назарбаев премьер-министр Бакытжан Сагинтаев менен жолугушууда билдиргендигин centralasian порталы маалымдайт. 

Жолугушуу учурунда ал өкмөттү жигердүү иштөөгө чакырды.

«Өкмөт кызуу иштеп жатат деп эсептейм. Мен жылды жакшы натыйжалар менен аяктоо үчүн баарыңарды уюшкандык менен иштөөгө чакырам. Тобокелчиликтер бар. Энергия жана чийки затка болгон баалар өзгөрүүдө. Балким, Батыштын Орусияга каршы санкциялары таасир этиши ыктымал. Ошону эске алуу керек» - деди Назарбаев.

Россияга каршы санкциялардын экинчи топтомуна АКШ президенти Дональд Трамп 2-августта кол койгон. Ошол эле күнү Казакстанда доллардын наркы жогорулаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18