USD87.45EUR95.88RUB1.07
24.kg

Төлөгөновдун сотундагы күбөнү уурдап кетишти

13:26, 02 августа 2017, Бишкек - 24.kg
Жазгуль МАСАЛИЕВА

«Ата-Мекен» партиясынын жоголгон активисти Нургазы Бакаев Райкан Төлөгөновдун сотунда күбө катары суралмак. Бул тууралуу бүгүн Биринчи май райондук сотунда парламенттин мурдакы депутаты, айыпталуучу Райкан Төлөгөнов билдирди.

Анын айтымында, нургазы Бакаевди УКМКнын күбөлүгүн көрсөткөн кишилер белгисиз тарапка эрчитип кетишкен.

«Эки күн жоголуп, бүгүн пайда болуптур. Мен бул ишке байланыштуу күбө болгондуктан, аны коркутуп -үркүтүүлөр болду деп эсептейм» — деп, эмки отурумда суракка алууну сунуштады.

Сот макул болду.

Эскерте кетсек, Нургазы Бакаев Абдулла Юсупов менен бир камерада олтурган. 2017-жылдын март айларында Абдулла Юсупов жалган көрсөтмө берип жаткандыгын айтып чыккан.

Райкан Төлөгөнов 2010-жылдын 7-апрелинде Курманбекс Бакиевдин үй-бүлөсүнө тиешелүү мүлктү талап-тоноо факты боюнча айыпталууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18