USD87.45EUR95.88RUB1.07
24.kg

Талиптер Ооганстандын үчүнчү районун ээлеп алышты

16:30, 26 июля 2017, Бишкек - 24.kg

Талиптер Ооганстандын түштүк-чыгышындагы үчүнчү районго көзөмөлүн орнотушту. Алар Пакистан менен чек арага жакын жайгашкан Пактиа провинциясындагы Яни Хел районун катуу кармаштардан кийин өз карамагына өткөрүшкөн. Бул тууралуу centralasian порталы маалымдайт. 
Аймактык кеңештин башчысы район 25-июль эртең мененки атышуулардан кийин талиптердин колуна өткөнүн билдирди.

Жергиликтүү полициянын өкүлдөрү аталган районду коопсуздук күчтөрү дале көзөмөлдөп турганын, бирок алар тынымсыз чабуулга кабылып жатканын айтышты.

Талиптер тарабынан губернатордун кеңсеси, полициянын штабы жана бейтапкана өрттөлгөнү, ошондой эле кагылышуулардан эки тарапта тең чоң жоготуулар болгону кабарланууда.

Талиптер районду толугу менен өз карамагына алганын билдирип жатышат. Алар 23-июлда өлкөнүн борбордук бөлүгүндөгү Тайвара районун, түндүктөгү Кохистан аймагын ээлеп алышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18