USD87.45EUR95.88RUB1.07
24.kg

Текебаевди тилден сынакка алып келүү жоопкерчилигин эч ким алгысы келбейт

15:11, 26 июля 2017, Бишкек - 24.kg
Жазгуль МАСАЛИЕВА

Текебаевди тилден сынакка алып келүү жоопкерчилигин эч ким алгысы келбейт.  

«Ата-Мекен» партиясынын лидери, президентикке ат салышкан Өмүрбек Текебаев бүгүн кыргыз тилинен тест тапшырышы керек. Борбордук шайлоо комиссиясынын мамлекеттик тилден сынак тапшыруучулардын тизмесинде партия лидери сап башында. Бирок, кечээтен бери Өмүрбек Текебаев кантип келип тест тапшырары боюнча маселе чечилбей келет. 

25-июль күнү Өмүрбек Текебаев менен Дүйшөн Чотоновдун сотунда жактоочусу Канатбек Хасанов сотко, айыпталуучуну сынак тапшырууга бошотуу өтүнүчү менен кайрылган. Сот Айбек Эрнис уулу, бул анын ыйгарымына тиешеси жоктугун, ал кылмыш ишине байланыштуу гана өтүнүчтөрдү карай аларын билдирген.

БШКнын айтымында, Өмүрбек Текебаевди анын ыйгарымдуу өкүлдөрү алып келүүгө милдеттүү. 

Эскерте кетсек, Өмүрбек Текебаев 17-июлда БШКга шайлоого талапкер болуп катталуу үчүн документтерин тапшырган.

Ал учурда УКМКнын абагында. 

 

 

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18