USD87.45EUR95.88RUB1.07
24.kg

Мектеп окуучуларын сүзүп кеткен айдоочу сегиз жылга эркинен ажыратылды

17:39, 19 июля 2017, Бишкек - 24.kg
Анара МАМЫТОВА

Бүгүн Ленин райондук соту мектеп окуучуларын сүзүп кеткен Мирлан Ажибековду сегиз жылга эркинен ажыратты. Андан сырткары, ага үч жылга рулга олтурууга тыюу салынды.

Сотто прокурор айдоочуга 9 жыл сурады. Жактоочулар жумшартуучу абалды эске алууну сунушташты.

Эскерте кетсек, 21-апрелде Бакаев жана Ремесленный көчөлөрүнүн кесилишинде жолдон өтүп бара жаткан 3-класстын окуучуларын жеңил ууна сүзүп, качып кеткен. Айдоочу кечинде табылган. Балдар оор жаракат менен оорууканага жеткирилип бир нече күндөн кийин гана өзүнө келишкен.

Кечээ сотто балдардын ата-энелери Мирлан Ажыбековду айыптоодон баш тартышкан. Алардын жактоочусу Токтосун Шарабидиновдун билдирүүсүндө, ата-энелер материалдык-моралдык компенсация алып, элдешишкен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18