USD87.45EUR95.88RUB1.07
24.kg

Улутчулдукка айыпталып жаткан Мирлан Ирсалиев кечирим сурады

16:54, 14 июля 2017, Бишкек - 24.kg
Анара МАМЫТОВА

Улутчулдукка айыпталып жаткан Мирлан Ирсалиев жабырлануучу даарыгер Егор Борисовдон кечирим сурады. Бул тууралуу даарыгер «24.kg» агентигине билдирди.

Анын айтымында, ага кечээ Мирлан Ирсалиев өзү телефон чалып, кечирим сурап, айыбын кантип жууба аларын сураган.

«Менде үй-бүлөсү, балдары бар адамды түрмөгө олтургузайын деген оюм жок. Болгону башкаларга сабак болсун дегенмин. Андыктан Мирланга шаардагы балдар оорууканасына жардам берүүнү сурандым» — деди ал.

Бүгүн алар чогуу барып, № 3 балдар оорууканасына электрокардиограф тартуулашты.

Эскерте кетсек, Мирлан Ирсалиевдин сот жүрүп жатат. Ага улутчулдук айыбы тагылууда. Кылмыш кодекси боюнча 7 жылга чейин эркинен ажыратылышы мүмкүн.

Мирлан Ирсалиевге каршы Бишкек шаарынын тез жардам кызматынын даарыгери Егорь Борисов арыз жазган. Даарыгердин айтымында, жол кырсыгында Мирлан Ирсалиев аны улутуна карай кемсинтип, сабаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18