USD87.45EUR95.88RUB1.07
24.kg

Алмазбек Атамбаев Россиянын салмактуу саясатчыларын көлдө дача курууга чакырды

09:15, 04 июля 2017, Бишкек - 24.kg
Анастасия БЕНГАРД

Алмазбек Атамбаев Россиянын салмактуу саясатчыларын көлдө дача курууга чакырды. Бул тууралуу президент 3-июлда Россиянын Федералдык жыйынынын федерациялык кеңешинин төрайымы Валентино Матвиенко менен жолугушуу учурунда билдирди.

«Мен президент катары сиз келген сайын кубанып тосуп алам. Кыргызстан менен Россиянын ортосундагы мамилелердин өнүгүшүнө салымыңыз зор экенин билем жана ага ыраазычылык билдирем. Ысык-Көлдө иштеп гана эмес, эс алып да кетсеңиз жакшы болот. Деги эле Россиянын оор салмактуу саясатчылары көл жээгине дачаларды куруп баштаса жакшы болот эле» — деди Алмазбек Атамбаев. 

Валентина Матвиенко аларга чет өлкөдөн кыймылсыз мүлк сатып алууга тыюу салынганын белгиледи.

«Биз чет өлкө эмеспиз. Бир боордош мамлекетпиз. Россиянын президенти ага уруксат берерине ишенем», — деп жооп кайтарды Алмазбек Атамбаев.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18