USD87.45EUR95.88RUB1.07
24.kg

Facebook колдонуучуларынын саны эки миллиардга жетти

09:02, 29 июня 2017, Бишкек - 24.kg

Facebook социалдык түйүнүнүн активдүү колдонуучуларынын саны эки миллиардга жетти. Бул тууралуу 27-июнда компаниянын негиздөөчүсү Марк Цукерберг билдирди.

«Баарын кошуу үчүн дагы узак жол басып өтүшүбүз керек. Бирок кошуп эле койбой, адамдардын бири-бирине жакын болушун камсыздашыбыз зарыл» — деп жазды Цукерберг.

2012-жылы октябрда, компаниянын негизделгенине сегиз жыл болгондон кийин Facebook түйүнүнүн колдонуучуларынын саны бир миллиардды түзгөн. Компания экинчи миллиардды беш жылга жетпеген мөөнөттө камсыздады.

Facebook — дүйнөдөгү ири жана таасирдүү социалдык түйүн. Компаниянын капиталы $433,5 млрд долларды түзөт. Компанияда 18770 киши иштейт, орто эсеп менен бир күндө социалдык түйүнгө 1,28 млрд киши кирет. Ошол эле маалда алардын 85,8 пайызы АКШ менен Канададан башка жактарда жашашат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18