USD87.45EUR95.88RUB1.07
24.kg

Руслан Сарымсаков: «Ак-Кеме» отелин күч менен тартып алышты

09:05, 22 июня 2017, Бишкек - 24.kg

Эртең менен саат 6.00да «Ак-Кеме» отелине Бишкек шаарынын Ленин районунун Ички иштер бөлүмүнүн кызматкери кирип келишкен. Бул тууралуу «24.kg» агентигине мейманкана комплексинин президенти Руслан Сарымсаков билдирди.

Анын айтымында, милиция эч кандай документ көрсөтпөй, жетекчинин буйругуна шилтеп, эшикти лом менен бузуп кирип келишкен. Отелдин кызматкерлерин күч менен сыртка алып чыгышкан.

Руслан Сарымсаков окуяга күбө болгон отелдин коноктору, чет элдик жарандар коркуп калганын да кошумчалады.

«Сот бүтө элек. Ага карабай бизге отель өкмөттүн буйругу менен Мамлекеттик мүлк фондуна өткөндүгүн айтып жатышат», — дейт Руслан Сарымсаков.

Буга чейин отелдин жетекчилиги Мамлекеттик мүлкү фонду күч менен тартып алуу аракетин көрүп жатканын маалымдаган. Ага фонддун карамагындагы «Мүлк» мамлекеттик ишканасынын директору Орозбек Нусубалиев, анын кызматкерлери меймкананын иши менен танышуу үчүн гана баргандыгын айтышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18