USD87.45EUR95.88RUB1.07
24.kg

Ананьеводогу жарылуудан кийин баардык газ сатуучу жайлар текшерилет

08:50, 20 июня 2017, Бишкек - 24.kg
Анастасия БЕНГАРД

Премьер-министр Сооронбай Жээнбековдун буйругу менен Ананьеводогу жарылуудан кийин баардык газ сатуучу жайлар текшерилет. Бул тууралуу өкмөттүн маалымат кызматы кабарлайт.

Өкмөт башчысы ИИМге Ысык-Көл облусунун Ананьево айылында болгон кырсыкты дыкат иликтөө тапшырмасын койду. Мамлекеттик экологиялык жана техникалык коопсуздук инспекциясына баардык газ сатуучу жайларды текшерип чыгып, талапка жооп бербегендерин жабуу буйругу берилди.

Сооронбай Жээнбеков кырсык боюнча иликтөө иштерин жеке көзөмөлгө алды.

Эскерте кетсек, Ысык-Көл облусунун Ананьево айылында 19-июнда май куйуучу жайдын жаныдагы газ баллон жарылган. Эки адам жайында мерт кетип, 8 киши жабыр тарткан. Бишкектен даарыгерлер тобу жөнөт кеткендиги маалымдалды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18