USD87.45EUR95.88RUB1.07
24.kg

Малдардын өздүгүн аныктоо эрежелерин бузган жарандарга айып салынат.

15:26, 19 июня 2017, Бишкек - 24.kg
Суйунбек ШАМШИЕВ

Малдардын өздүгүн аныктоо эрежелерин бузган жарандарга айып салынат. Бул тууралуу Жогорку Кеңештин агрардык саясат, суу ресурстары, экология жана аймактык өнүгүү боюнча комитетинин жыйынында айтылды.

Административдик кодекске өзгөртүү киргизилип, жарандар 50 эсептик көрсөткүч, кызмат ээлери 75 эсептик көрсөткүч менен айып пул төлөйт.

«Евразия экономикалык биримдигинин эрежелери боюнча ар бир малда өзүнүн эн белгиси болушу шарт. Анда ал тууралуу маалыматтар жазылат. Мал союула турган болсо, маалыматтарды активдештирүү эрежелери толук сакталышы керек», — деди депутат Экмат Байпакбаев.

Андан тышкары санитардык-ветеринардык эрежелерди бузгандарга, таштандыларды жок кылуу жоболорун сактабагандарга, малдардын өлүгүн сактоочу жай талапка жооп бербесе жана малын уруксат берилбеген жерде жайгандарга дагы айып салынат. Мында 50дөн 150 эсептик көрсөткүчкө чейин акча төлөнөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18