USD87.45EUR95.88RUB1.07
24.kg

Алмазбек Атамбаев биринчи жолу Россияга мамлекеттик сапар менен барат

13:01, 16 июня 2017, Бишкек - 24.kg
Татьяна КУДРЯВЦЕВА

19-24-июнда президент Алмазбек Атамбаев биринчи жолу Россияга мамлекеттик сапар менен барат. Бул тууралуу президенттин аппаратынын тышкы саясат бөлүмүнүн жетекчиси Айзада Субакожоева маалымдады.

Анын айтымында, сапар эки өлкөнүн алакасынын 25-жылдыгына арналат жана Кыргызстандын ЕАЭБтеги ордун бекемдөө багытында сүйлөшүүлөр болот. Алмазбек Атамбаев Москвада Россиянын жетекчилигинен сырткары, илимпоздору жана мекендештер менен жолугушат.

Иш сапардын жүрүшүндө кол коюула турган келишимдердин ичинен эң бир маанилүүсү — бул эки өлкөнүн стратегиялык өнөктөштүгүн жана биримдигин бекемдөө тууралуу документ.

Айтмакчы, президент Москвадан сырткары, Татарстан жана Башкорстандын ордо каалаларында болот.

Белгилей кетсек, Алмазбек Атамбаев буга чейин бир нече жолу Москвага жумушчу сапар менен барган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18