USD87.45EUR95.88RUB1.07
24.kg

Аида Салянова Алексей Елисеевден бир тыйын алган эмес

12:37, 16 июня 2017, Бишкек - 24.kg
Дарья ПОДОЛЬСКАЯ

Аида Салянова Алексей Елисеевге жактоочулук лизенциясын узартуудан эч пайда көргөн эмес. Бул тууралуу Жогорку Кеңештин депутатынын жактоочусу Чынара Жакупбекова билдирди.

Жактоочунун айтымында, Салянова бул иште юстиция министринин ыйгарым укуктарынын жана мыйзамдын чегинен чыккан эмес.

Аида Салянова Алексей Елисеевдин жактоочулук күбөлүгү узартылган кезде ага Башкы прокуратура, же Юстиция министринин орун басары тарабынан кылмыш иши козголбогондугун айтты.

«Бул суроо жаралган кезде мен башкы прокурор болчумун. Елисеевге каршы кайсы кызмат иш козгонун билем. Анда MegaCom компаниясынын 51 пайыз акциясын сатуу чечими кабыл алынган. Ошондо эле иш саясый өңүткө бурулганы белгилүү болчу», — деди Аида Салянова.

Мурдакы башкы прокурордун жактоочулары соттон ишти токтотууну суранышты. Сот чечим кабыл алууга тыныгуу жарыялады.

Эскерте кетсек, Аида Саляновага юстиция министри кезинде Алексей Елисеевдин жактоочулук күбөлүгүн мыйзамсыз узартып берген деген айып тагылууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18