USD87.45EUR95.88RUB1.07
24.kg

Саламаттыкты сактоо министрлиги төрөт үйлөрүндөгү паракорлукту четке кагат

10:19, 14 июня 2017, Бишкек - 24.kg
Анастасия БЕНГАРД

Саламаттыкты сактоо министрлиги төрөт үйлөрүндөгү паракорлукту четке кагат. Бул тууралуу министрликтин Акыйкатчынын «Кыргызстандын аялдарынын репродуктивдүү укугун сактоо» баяндамасына карата билдирүүсүндө айтылат.

Министрлик мыйзамга ылайык боюнда бар, төрөй турган жана жаңы төрөгөн аялдарга бекер жардам берилерин маалымдайт.

«Медициналык кызматкерлер төрөтканага түшкөн аялдарга акчасына карата мамиле кыла албайт. Анткени, даарыгердин башкы максаты — сапаттуу жардам көрсөтүү», — дейт министрлик.

Министрлик бейтаптардын укугу боюнча баардык медициналык мекемелерде жазылып көрсөтүлгөндүгүн маалымдайт. Арыз даттануулар үчүн атайын кулпуланган ящиктер орнотулганын эскертип, акча талап кылган даарыгер боюнча учурунда кабарлоону суранат.

Эскерте кетсек, Акыйкатчы атайын баяндамасында төрөт үйлөрүндө аялдардан мыйзамсыз акча топтолоорун маалымдаган. Анда сурамжылоонун жүрүшүндө аялдардын 63 пайызы төрөткөн даарыгер менен алдын-ала сүйлөшүп, акча бергендигин айтышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18