USD87.45EUR95.88RUB1.07
24.kg

Кыргызстанда өзүн жардырууга даярданган адам кармалды

11:26, 08 июня 2017, Бишкек - 24.kg
Анастасия МОКРЕНКО

Кыргызстанда өзүн жардырууга даярданган адам кармалды. Бул боюнча Улуттук коопсуздук кызматы кабарлайт.

Маалыматта, террордук чабуул даярдаган адам 6-июнда кармалгандыгы айтылат. Анын эл аралык террордук топтун мүчөсү экендиги аныкталган. Бирок, УКМК террордук топтун атын атабайт.

УКМКнын билдирүүсүндө, М.А. аттуу адам жетекчилигинин буйругу менен жардыруучу затты даярдап, эл көп топтолгон жерде чабуулга даярданып жаткан. Анын үйүнөн жардыруучу затты даярдоо боюнча окуу куралдары, экстремисттик маанайдагы адабият жана аудио-видео, граната жана башка курал жарактар алынган.

Кылмыш иши козголду. Учурда Кыргызстанда 20 уюм террордук деп табылган. Акыркы маалыматтар боюнча 600 кыргызстандык Сирия жана Ирактагы согушка катышып жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18