USD87.45EUR95.88RUB1.07
24.kg

Жалал-Абадда аялды зордуктаган эркектер анын чачын кырып салышкан

14:45, 07 июня 2017, Бишкек - 24.kg
Суйунбек ШАМШИЕВ

Жалал-Абадда аялды зордуктаган эркектер анын чачын кырып салышкан. Бул тууралуу «24.kg» маалымат агентигине облустун Ички иштер башкармалыгынан билдиришти.

Маалыматка караганда, 18-майда Сузак районунун Көк-Таш айылынын 41 жаштагы тургунун ак түстөгү жеңил унаанын айдоочусу Кочкор-Ата шаарына жеткирип коюга макул болот. Бирок, айдоочу Майлуу-Суу шаарынан бурулуп, машинадагы шериктери менен кошо аялды тышка сүйрөп, көп кабаттуу үйдөгү батирге алып киришет. Зордуктап, сабап, чачын кырып, ал жерде 25-майга чейин кармашат.

Аял бошогон күнү Майлуу-Суу шаардык ички иштер башкармалыгына кайрылган. Алган жаракаттарынан улам ооруукананын хирургия бөлүмүнө жеткирилген.

ИИБсы шаардын 43 жаштагы З.К., Көк-Таш айылынын 22 жаштагы жана Бүргөндү айылынын 36-жаштагы К.А. аттуу тургундарын кармаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18