USD87.45EUR95.88RUB1.07
24.kg

Ашхабаддын айрым банктары чет элдик валюта менен иш алып барууну токтотту

08:52, 05 июня 2017, Бишкек - 24.kg
Жазгуль МАСАЛИЕВА

Ашхабаддын жашоочулару кеминде төрт банктын филиалынан чет элдик валютада акча ала албай жатышат. Бул тууралуу Түркмөнстандын маалымат каражаттары маалымдайт. Маалыматка караганда, күн сайын мамлекеттик банктардын алдында 50–60 киши кезекке турууда. Алардын арасында чет өлкөдөн айлык алгандар дагы бар.

«Мен жана дагы 100дөй кесиптешим он күндөн бери Өндүрүш Банкынын филиалынан айлыктарыбызды ала албай жатабыз. Акча түшкөндө чалабыз дешип, бирок чалышпайт. Күн сайын ушундай окуя кайталанууда», — деди Пушкин атындагы орусиялык мектептин мугалими.

Бир банктын кызматкери ЖМК берген маалыматында, кырдаал Түркмөнстанда чет өлкөлүк валютанын азайгандыгынан келип чыкандыгын билдирген. Маалыматты азырынча бийлик өкүлдөрү тастыктай, же четке кага элек.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18