USD87.45EUR95.88RUB1.07
24.kg

«Таза коом» «алтын мээлердин» четке кетишине бөгөт болот

13:14, 29 мая 2017, Бишкек - 24.kg
Анара МАМЫТОВА

«Таза коом» «алтын мээлердин» четке кетишине бөгөт болот. Бул тууралуу бүгүн маалымат жыйында Маалымат технологиялары жана байланыш мамлекеттик комитетинин башчысы Бакыт Шаршембиев билдирди.

Анын айтымында, «Таза коом» программасындагы долбоорлор жарандардын жашоосун жакшыртууга жана «алтын мээлер» деп аталган билимдүү жана таланттуу жаштардын чет өлкөгө чыгып кетүүсүнө тоскоолдук түзө алат.

Алдыда өтө турган «Таза коом» эл аралык конференциясында бул тармактагы долбоорлор менен иштөөгө кызыкдар чет элдик жана кыргызстандык инвесторлордун тизмеси түзүлөт.

Эскерте кетсек, «Таза коом» программасы президенттин демилгеси менен иштелип чыгып, жеке бизнес, жарандык коом, мамлекеттик органдардын жардамы менен ишке ашат. Ал бизнестин өнүгүүсүнө ыңгайлуу шарт түзүп, мамлекеттик кызматтын ишин жакшыртууга багытталган жогорку технологиялык жалпы улуттук долбоор.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18