Компания курчап турган чөйрөнү булгаганы үчүн 132 миллион сом төлөп берди
Кыргызстанда компаниядан курчап турган чөйрөнү булгагандыгы үчүн 132 миллион сомдон ашык карыз өндүрүлдү.
Башкы прокуратуранын маалыматы боюнча, «А.О.» ЖЧКсы 2021-жылдан 2023-жылга чейин кыймылдуу булактардан атмосферага булгоочу заттарды ыргытканы үчүн милдеттүү төлөмдөрдү өз убагында төлөгөн эмес.
Натыйжада мамлекеттик бюджетке 132 миллион 148 миң 843 сом түшпөй калганы кабарланды. Прокуратура тарабынан көрүлгөн чаралардан кийин компания карызды толугу менен төлөп берди.