Бишкек жана Чүй өрөөнүндө катуу шамал болушу күтүлүүдө
Жакынкы саатта Бишкек жана Чүй өрөөнүндө батыштан соккон шамалдын күчөшү күтүлүүдө. Анын ылдамдыгы секундасына 15–20 метрге чейин жетиши мүмкүн.
Бул тууралуу Кыргызгидрометтин 1-октябрдагы шашылыш эскертүүсүндө айтылат.
Тургундарга жана айдоочуларга катуу шамал учурунда этият болуу, мүмкүн болушунча жарнамалык конструкциялардын, дарактардын жана коркунуч туудурушу мүмкүн болгон башка объекттердин жанында болбоо сунушталат.