Бүгүн Бишкектин Калыс-Ордо конушунда суу убактылуу өчүрүлөт
1-октябрда саат 09:00дөн 19:00гө чейин Бишкектин Калыс-Ордо конушунда ичүүчү суу берүү убактылуу токтотулат.
Муниципалитеттин маалыматына караганда, өчүрүү «Калыс-Ордо-1» жана «Калыс-Ордо-2» суу топтомдорунда жана шаардык суу түтүктөрүндө оңдоо-профилактикалык иштердин жүргүзүлүшүнө байланыштуу.
«Бишкексууканал» муниципалдык ишканасы келтирилген ыңгайсыздыктар үчүн кечирим сурайт жана тургундар менен уюмдарды ичүүчү сууну алдын ала камдап алууну суранат.