Пайдалуу кеңеш: Тамактангандан кийин тишти дароо тазалоого болбойт
Тамактангандан кийин дароо тишти тазалоо — тиштер жана бүйлөлөр үчүн жагымсыз кесепеттерге алып келиши мүмкүн. Бул тууралуу «Лента.ру» басылмасына стоматолог Максим Обушенков айтып берди.
Анын айтымында, тамак-аш, өзгөчө таттуулар, мөмө-жемиштер жана газдалган суусундуктарды керектегенден кийин ооз көңдөйүндө pH деңгээли кескин төмөндөйт.
Дарыгер түшүндүргөндөй, кислота эмальдагы кальций менен фосфорду жууп кетет, андан улам ал убактылуу жумшак жана көңдөйчөлүү болуп калат. Эмалды калыбына келтирүү үчүн орто эсеп менен 30дан 60 мүнөткө чейин убакыт талап кылынат. Бул аралыкта шилекей кислотаны нейтралдаштырып, минералдардын эмалга кайтып келишине жардам берет. Эгер дароо щетка менен тазалай баштаса, жумшарган катмарды сүрүп салуу мүмкүн, ал эми тамактан кийин дайыма тиш жуу эмалдын жукарышына, сезгичтиктин жогорулашына жана кариестин пайда болуу коркунучунун көбөйүшүнө алып келет.