USD87.45EUR95.88RUB1.07
24.kg

Ысык-Көлдө суунун сапатын текшерүүнүн кезектеги этабы аяктады

15:04, 29 сентября 2026, Бишкек - 24.kg

«Кыргызгидрометтин» адистери Ысык-Көл көлүнүн кеңейтилген гидрохимиялык мониторингинин кезектеги этабын аяктаганын билдиришти. Изилдөөлөр 2026-жылдын 21-сентябрынан 27-сентябрына чейин жүргүзүлгөн.

Ведомстводон билдиришкендей, адистер көлдүн бүткүл акваториясы боюнча суунун сапатын текшеришти. Текшерүү үчүн суунун үлгүлөрү Ысык-Көлдүн ар кайсы бөлүктөрүндө белгиленген байкоо жүргүзүү пункттарынан жана вертикалдарынан алынды.

Иштер көлдүн абалына пландалган мониторинг жүргүзүүнүн, ошондой эле 2030-жылга чейинки «Ысык-Көл» экологдук-экономикалык системасын туруктуу өнүктүрүү концепциясын ишке ашыруу боюнча иш-чаралар планынын алкагында ишке ашырылды.

Эми алынган үлгүлөрдү жана маалыматтарды системалаштыруу жана талдоо талап кылынат. Жыйынтыктар көлдүн учурдагы абалын баалоо жана суунун сапатынын мезгилдик өзгөрүүлөрүнө көз салуу үчүн колдонулат.

«Кыргызгидромет» маалымдагандай, үзгүлтүксүз изилдөөлөр Ысык-Көлдүн экосистемасынын абалы тууралуу калыс маалымат алууга жана суунун курамындагы өзгөрүүлөрдү өз убагында каттоого мүмкүндүк берет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18