Бүгүн АКШ менен Ирандын кыйыр сүйлөшүүлөрүнүн кезектеги айлампасы өтөт
АКШ менен Ирандын ортосундагы кыйыр сүйлөшүүлөрдүн кезектеги айлампасы бүгүн өтөт. Бул тууралуу Axios басылмасы булактарга шилтеме берүү менен билдирди.
Маалыматка ылайык, Катарлык ортомчулардын Ирандын тышкы иштер министри Аббас Аракчи жана АКШ президентинин атайын чабарманы Стив Уиткофф менен өз-өзүнчө жолугушуулары пландаштырылганы белгиленет.
Буга чейин АКШ лидери Дональд Трамп бир жуманын ичинде Иран менен сүйлөшүүлөр өтөрүн күтүп жатканын билдирген. Маалыматта Катар тараптардын ортосунда ортомчулукту улантып жатканы айтылат.
«Мен ушул аптада Иран менен жаңы сүйлөшүүлөрдү күтүп жатам. Алар келишим түзгүсү келет, бирок мага керектүү келишимди сунуштабай жатышат», — деди Дональд Трамп журналисттерге.
Катардын катышуусунда өткөн кыйыр сүйлөшүүлөрдүн мурунку айлампасы өткөн жумада Нью-Йоркто, БУУнун Башкы Ассамблеясынын алкагында өткөн. Ага Аракчи, Уиткофф жана Джаред Кушнер катышкан.
Тегеран бир жуманын ичинде Ормуз кысыгын ачууну жана өзөктүк программа боюнча сүйлөшүүлөрдү кайра баштоону сунуштаган, бирок бул үчүн АКШ деңиз блокадасын алып салышы, иран мунайын сатууга коюлган чектөөлөрдү жоюшу жана аймакта ок атышууну токтотуу режимин калыбына келтириши керек болчу. Трамп бул сунушту четке какты. Вашингтон өзөктүк маселе боюнча өз шарттарынын аткарылышын талап кылууда.