USD87.45EUR95.88RUB1.07
24.kg

Казакстан, Кытай, Кыргызстан жана Өзбекстандын бажы кызматтары маалымат алмашат

09:05, 28 сентября 2026, Бишкек - 24.kg

Казакстан, Кытай, Кыргызстан жана Өзбекстандын бажы органдары «Маалыматтарды ыкчам алмашуу тартибинин» долбоорун макулдашышты. Тараптар документке 2027-жылы өтө турган «Кытай — Борбордук Азия» үчүнчү саммитинин алкагында кол коюуну пландаштырууда.

Казакстан, КЭР, Кыргызстан жана Өзбекстандын бажы органдары Үрүмчүдө «Маалыматтарды ыкчам алмашуу тартибинин» долбоорун макулдашышты

Маселе Үрүмчүдө өткөн тармактык жумушчу топтун биринчи жыйынында талкууланып, макулдашууга жетишилди.

Тараптар ошондой эле бажы тобокелдиктерин башкаруу технологиялары, жасалма интеллект алгоритмдерин колдонуу жана чоң көлөмдөгү маалыматтарды (Big Data) анализдөө маселелерин талкуулашты.

«Кызматташтык тартиби» долбоорунун алкагында бажы кызматтарынын ортосунда маалыматтарды ыкчам алмашуу каралганы белгиленет. Бул механизм жүктөрдүн чек арадан өтүүсүн ылдамдатат, бажы контролунун тактыгын жогорулатат жана соода каттамдарын ачык-айкын кылат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18