USD87.45EUR95.88RUB1.07
24.kg

Арслан Койчиев Казакстандын вице-президенти Ерлан Карин менен жолугушту

15:33, 25 сентября 2026, Бишкек - 24.kg

Кыргыз Республикасынын Мамлекеттик катчысы Арслан Койчиев Астана шаарында Казакстан Республикасынын Вице-президенти Ерлан Карин менен жолугушуу өткөрдү. Бул тууралуу президенттин администрациясынан билдирди.

Жолугушуунун жүрүшүндө кыргыз-казак мамилелерин мындан ары чыңдоо жана өнүктүрүү маселелери талкууланды.

Тараптар эки боордош элдин ортосундагы достук жана жакшы коңшулук мамилелердин бекемделишине негиз болгон өз ара урмат-сый, ынтымак, биримдик, өз ара жардамдашуу жана түшүнүшүү принциптеринин маанилүүлүгүн белгилешти.

Жолугушууда кыргыз жана казак элдеринин ортосундагы кылымдардан бери калыптанган тарыхый, маданий жана гуманитардык байланыштарды сактоо жана мындан ары өнүктүрүүгө өзгөчө көңүл бурулду.

Тараптар өз ара колдоону жана конструктивдүү диалогду улантуунун маанилүүлүгүнө токтолуп, эки боордош мамлекеттин ортосундагы коомдук жана гуманитардык байланыштарды мындан ары кеңейтүү боюнча пикир алмашты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18