Пайдалуу кеңеш: Жүзүмдүн мээге тийгизген таасири айтылды
Жүзүмдүн курамындагы полифенолдор мээни куракка байланыштуу өзгөрүүлөрдөн коргоого жана когнитивдик функцияларды колдоого потенциалдуу жөндөмдүү. Чыгыш Англия университетинин окумуштуулары өз изилдөөсүнүн жыйынтыктарын Nutrients журналына жарыялашкан.
Полифенолдор сезгенүүнү жана кычкылдануу стрессин азайтышы мүмкүн экени белгиленет. Мындан тышкары, алар тамырлардын жана нерв клеткаларынын ишин колдоого жөндөмдүү.
Бир изилдөөдө жеңил когнитивдик бузулуулары бар 60тан 80 жашка чейинки 143 адам жарым жыл бою жүзүм менен карагаттын экстрактын кабыл алышкан. Плацебого салыштырмалуу аларда маалыматты иштеп чыгуу ылдамдыгы жана үйрөнүү жөндөмү кыйла жакшырган.
Башка бир сыноодо 96 кары адам 12 жума бою жүзүм экстрактын кабыл алышкан. Экинчи сыноонун катышуучуларында эс тутум, көңүл буруу, кеп жана мейкиндикти визуалдык кабыл алуу жөндөмдөрү жакшырган, ал эми айрым өзгөрүүлөр эки жумадан кийин эле байкалган. Окумуштуулар полифенолдордун мүмкүн болгон эффектин алардын сезгенүүгө, кан айланууга жана нерв клеткаларынын ишине тийгизген таасири менен байланыштырышат. Ошол эле учурда алынган маалыматтар жүзүмдүн полифенолдоруна гана тиешелүү жана шарап ичүүнүн пайдалуулугун далилдебейт.