Кытайдын 11 жылдан берки АКШга биринчи иш сапары. Си Цзиньпин эмнелерди айтты?
АКШга 11 жылдан бери биринчи жолу мамлекеттик сапар менен келген Кытай Мамлекеттик төрагасы Си Цзиньпин кечээ Ак үйдө Дональд Трамп менен жолугушуу аземинде сөз сүйлөдү.
Кытай лидеринин негизги билдирүүлөрү:
- Кытай менен АКШ адамзаттын өнүгүшүнө жана прогрессине көмөктөшүү үчүн тарыхый жоопкерчиликти тартат.
- Пекин менен Вашингтон байланышты чыңдап, ак пейилден кызматташып, тынчтыкта жана бирге жашашы керек.
- Эки өлкө ортосундагы атаандаштык дени сак жана так чектерге ээ болушу зарыл.
- Кытай менен АКШ эң акыркы чекке жеткирбестен — жаңжалдар менен тирешүүлөргө жол бербөө эрежесин сакташы керек.
- Эки өлкөнүн куралдуу күчтөрүнө туруктуу диалогду кармануу жана кризистик байланыш механизмдерин өркүндөтүү зарыл.
- Кытай жасалма интеллект, баңгизатка каршы күрөшүү жана укук коргоо иши тармагында АКШ менен кызматташууну кеңейтүүгө, ошондой эле түз авиакаттамдардын санын көбөйтүүгө даяр.
- Жакынкы беш жылдын ичинде Кытай тажрыйба алмашуу жана билим алуу үчүн 100 миң америкалык жашты КЭРге чакырат.
Си Цзиньпин ошондой эле бир катар күндөрдөн кийин Пинпин жана Фушуан аттуу алп пандалар Атланта зоопаркына жеткирилерин кабарлады. «Кытай улутунун улуу кайра жаралуусу жана Американы кайрадан улуу кылууга умтулуу бири-бирине каршы келбейт», — деп баса белгиледи КЭР төрагасы.