USD87.45EUR95.88RUB1.07
24.kg

Жүк ташуучу унаадан тогуз миңге жакын эсепке алынбаган идиш-аяк табылды

13:33, 24 сентября 2026, Бишкек - 24.kg

Мамлекеттик салык кызматынын кызматкерлери жүк ташуучу унааны текшерүү учурунда ири партиядагы эсепке алынбаган продукцияны аныкташты.

Унааны пломбадан бошоткондон кийин салыкчылар ичиндеги товарды коштоочу жана эсептик документтер менен салыштырып чыгышкан.

Натыйжада документтерде көрсөтүлбөгөн 280 куту айнек буюмдары жана ашкана идиш-аяктары табылган. Кутуларда жалпысынан 8 миң 720 даана продукция жана алардын топтомдору болгон. Товардын баасы кийинки текшерүү иш-чараларынын жүрүшүндө белгиленет.

Текшерүүнүн жыйынтыгы боюнча салык кызматы тиешелүү актыларды түзүп, юридикалык баа берүү үчүн материалдарды укук коргоо органдарына өткөрүп берет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18