Бишкек мэринин мурдагы орун басары Азамат Кадыров кармалганы айтылды
Бишкекте калаанын мурдагы вице-мэри Азамат Кадыров кармалды. Бул тууралуу 24.kg басылмасына өздүк булактар билдирди.
Ал кайсы кылмыш ишинин алкагында кармалганы азырынча тактала элек.

Укук коргоо органдары тарабынан азырынча расмий маалымат бериле элек.
Эскерте кетсек, Азамат Кадыров Бишкек шаарынын вице-мэри кызматын 2023-жылдын ноябрь айынан тарта иштеп келген. Ал жерди пайдалануу, архитектура, курулуш жана санариптештирүү маселелерин көзөмөлдөгөн. 2026-жылдын июнь айында Кадыров вице-мэрлик кызматынан кеткен.