Кыргыз-кытай чек арасында эки өткөрмө бекетинин иш тартиби убактылуу өзгөрөт
Күз ортосу майрамына жана Кытайдын Улуттук күнүнө байланыштуу мамлекеттик чек аранын кыргыз-кытай тилкесиндеги автожол өткөрүү пункттарынын иш тартиби убактылуу өзгөрөт.
Мамлекеттик чек ара кызматы билдиргендей, «Иркештам-автожол» жана «Торугарт-автожол» аркылуу жарандарды жана транспорт каражаттарын өткөрүү төмөнкү мезгилдерде убактылуу токтотулат.
«Иркештам-автожол»:
25-сентябрь саат 22:00дөн 26-сентябрь саат 8:00гө чейин;
1-октябрь саат 22:00дөн 4-октябрь саат 8:00гө чейин.
«Торугарт-автожол»:
25-сентябрь саат 22:00дөн 26-сентябрь саат 8:00гө чейин;
1-октябрь саат 22:00дөн 4-октябрь саат 8:00гө чейин.
Көрсөтүлгөн мезгилде эки өткөрмө пункту аркылуу тең жарандарды жана транспорт каражаттарын өткөрүү жүргүзүлбөйт.
Чек ара кызматы жарандарга, ташуучуларга жана тышкы экономикалык ишмердүүлүктүн катышуучуларына кыргыз-кытай чек арасы аркылуу сапарларды жана жүктөрдү жылдырууну пландаштырууда убактылуу чектөөлөрдү эске алууну сунуштайт.