Венгрия Кыргызстандын Улуттук тарых музейине китептерди белекке берди
Кыргызстандын Улуттук тарых музейи венгер тараптан китептерди белекке алды. Тапшыруу аземи эки өлкөнүн ортосундагы маданий кызматташтыкты өнүктүрүүнүн алкагында музейде өттү.
Иш-чарага Кыргызстандын Маданият, маалымат жана жаштар саясаты министринин орун басары Аскаралы Мадаминов, Венгриянын убактылуу ишенимдүү өкүлү Андрей Букай жана музейдин өкүлдөрү катышты.

Белекке берилген басылмалар музейдин китепкана фондун толуктап, илимий-изилдөө иштерин жүргүзүүгө жана кыргыз-венгер маданий байланыштарын кеңейтүүгө өбөлгө түзөт.
Иш-чаранын катышуучулары Кыргызстан менен Венгриянын маданий жана гуманитардык кызматташтыгын мындан ары өнүктүрүүнүн маанилүүлүгүн белгилешти.