«Алыкул фест» поэзия фестивалы: Жеңүүчүлөр аныкталды. Тизме
Панфилов районундагы Каптал-Арык айылында эл аралык «Алыкул фест» поэзия фестивалынын жыйынтыктоочу этабы өттү. Бул тууралуу Маданият, маалымат жана жаштар саясаты министрлигинен билдирди.
Маалыматка ылайык, иш-чарага Казакстан, Өзбекстан, Тажикстан жана Кытайдан илим, адабият жана искусство өкүлдөрү, ошондой эле акын-жазуучулар, жаш калемгерлер жана адабият сүйүүчүлөрү катышты.
Поэзия сынагынын жыйынтыгында:
- баш байгени Нурлан Камчыбеков;
- I орунду Нурзада Макеева;
- II орунду Айгүл Жамангалова;
- III орунду Махабат Молдалиева алды.
Иш-чара М. Рыскулов атындагы Нарын облустук академиялык музыкалык драма театрынын «Өлбөстүккө ода» спектакли менен жыйынтыкталды.


