Карызды төлөңүздөр: Бишкекте 5 миңден ашык абоненттин жарыгы өчүрүлөт
23-24-сентябрда Бишкекте электр энергиясын эсепке алуунун автоматташтырылган системасы карызы бар 5 миңден ашык абонентти аралыктан өчүрөт. Бул тууралуу борбор калаанын электр тармактары ишканасынан билдиришти.

Шаар тургундарынан электр энергиясы өчүп калбашы үчүн эсептерди өз убагында төлөө өтүнүлөт.
Эсепти Бишкек электр тармактары ишканасынын сайтындагы «Абоненттин эсеби» бөлүмү аркылуу текшерсе болот. Турмуш-тиричилик керектөөчүлөрү карызды «Мой свет» уюлдук тиркемеси аркылуу да текшере алышат.
Электр энергиясы үчүн акыны төлөм терминалдары жана электрондук капчыктар, анын ичинде Quickpay, Pay24, UMAI, «Мбанк», О!, MegaPay жана «Элсом» аркылуу төлөөгө болот. Ошондой эле төлөмдөрдү бир катар банктардын кассалары жана «Кыргызпочтасы» бөлүмдөрү кабыл алат.
105 номери боюнча колл-борбор күнү-түнү иштейт.