USD87.45EUR95.88RUB1.07
24.kg

Кыргызстанда 45 миңден ашык чет өлкөлүк студент билим алууда

12:33, 21 сентября 2026, Бишкек - 24.kg

Кыргызстанда 45 миңден ашык чет өлкөлүк студент билим алып жатат. Бул тууралуу Илим, жогорку билим берүү жана инновациялар министри Гүлзат Исаматова Кыргыз Республикасынын Жогорку Кеңешинин Илим, билим берүү, инновациялык өнүктүрүү жана маалыматтык технологиялар, маданият, спорт жана жаштар иштери боюнча комитетинин жыйынында Кыргыз Республикасынын 2025-жылдагы республикалык бюджетинин аткарылышы тууралуу отчетту талкуулоодо билдирди.

Анын айтымында, жалпы сандын 90 пайызга жакыны медицина тармагында окушат.

Депутат Токтобүбү Ашимбаева чет өлкөлүк студенттер Милдеттүү медициналык камсыздандыруу фондуна төлөмдөрдү төлөбөгөндүгүн, буга байланыштуу бардык жогорку окуу жайлары боюнча 920 миллион сом карыз пайда болгонун белгиледи.

«Бул бюджет үчүн чоң жоготуу. Бул каражаттарды табуунун жолдорун издөө керек», — деп кошумчалады ал.

Гүлзат Исаматова чет элдик студенттердин басымдуу бөлүгү медициналык жогорку окуу жайларында окугандыктан, учурда карызды өндүрүү боюнча Саламаттыкты сактоо министрлиги менен сүйлөшүүлөр жүрүп жатканын белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18