Конгодо ыктыярчыларга Эболага каршы жаңы вакцина сынала баштады
Конго Демократиялык Республикасынын Итури провинциясындагы Буниа шаарында биринчи ыктыярчыларга Эболага каршы вакцина атылды.

Жергиликтүү ЖМКлардын маалыматына караганда, сыноо учурунда 9–12 ай ичинде «Эрвебо» вакцинасы менен 20 миң ыктыярчы эмделет.
Сыноонун максаты — азыркы эпидемияны чакырган «Бундибугио» штаммына каршы вакцинанын коргоочу натыйжалуулугун аныктоо. «Заир» штаммына каршы вакцинанын натыйжалуулугу буга чейин далилденгендиги маалымдалат.
Биринчи кезекте эмдөөнү медицина кызматкерлери жана алдыңкы сапта иштеген башка адистер алышат. Аларга Эболанын башка, кыйла кеңири тараган штаммы чакырган мурунку тутануулар учурунда натыйжалуулугун көрсөткөн Ervebo вакцинасы сайылууда. Ошол эле учурда дал ушул азыркы тутанууга каршы бекитилген вакцинаны алуу максатында клиникалык сыноолор өтүүдө. «Биз биринчи кезекте алдыңкы сапта тургандарды коргоо үчүн Ervebo вакцинасын колдонууну чечтик», — деди саламаттыкты сактоо министри Роджер Камба.
Өлкөнүн Коомдук саламаттыкты сактоо улуттук институтунун акыркы маалыматтары боюнча, эпидемия учурунда 3 миң 639 адам каза болуп, 7 миң 541 киши жуктуруп алган, 1 миң 823 адам айыгып чыкты.
Эске салсак, учурда вирус өлкөнүн жети провинциясына жайылды. Август айында Конгого «Эрвебо» вакцинасынын 70 миңге чукул дозасы бөлүнгөн.