USD87.45EUR95.88RUB1.07
24.kg

Корумду чокусунда каза болгон үчүнчү альпинистти издөө иши кайра башталды

16:56, 15 сентября 2026, Бишкек - 24.kg
Бактыгүл Калдарбаева

Кыргызстанда Корумду чокусунда дайынсыз жоголгон үчүнчү альпинистти издөө операциясынын үчүнчү этабы башталды. Бул тууралуу ыктыярчылар штабы билдирди.

Издөө иштеринин негизги максаты - 60 жаштагы беларусь жараны Николай Свиридовду табуу. Акыркы эки жумада штаб кырсык болгон аймактагы аба ырайын көзөмөлдөп келген.

«Аба ырайы ыңгайлуу болду. Кар жааган күндөр болгону менен, көп кар түшкөн жок жана ал бат эрип жатты. Демек, капталдагы объектилер калың кардын алдында калган эмес. Муну биз спутниктен тартылган сүрөттөрдөн күн сайын көрүп турдук», - деп айтылат билдирүүдө.

Ыктыярчылар Дмитрий Разумовскийге да ыраазычылык билдиришти. Ал штаб үчүн спутниктен тартылган сүрөттөрдүн негизинде тоо капталдарындагы кардын көлөмүн эсептеген программа түзүп берген.
Издөө иштерине дрон операторлорунун тобу чыкты. Алар менен бирге альпинист Андрей Ерохин да иштеп жатат. Ал издөө операциясынын консультанты.

Ыктыярчылар Кыргызстандын Өзгөчө кырдаалдар министрлигинен дагы жардам сураганын билдиришти. Министрдин тапшырмасы менен республикалык өзүнчө куткаруу отрядынын беш кызматкери базалык лагерде иштеп жатат. Ошондой эле Чоң-Алай районунан төрт ӨКМ кызматкери техника жана жүктөрдү лагерге жеткирүүгө жардам берген.

Акыркы маалымат боюнча, базалык лагерь менен байланыш азырынча жок. Спутниктик байланыш терминалы иштеген эмес. Бирок топ лагерге жеткени белгилүү.

Буга чейин Корумду чокусунда каза болгон эки альпинисттин өздүгү туугандары тарабынан аныкталган. Алар 43 жаштагы Беларус жараны Максим Полянский жана 37 жаштагы Литва жараны Сергей Рубцов болуп чыккан.

Үчүнчү альпинист — 60 жаштагы Беларус жараны Николай Свиридов азырынча табыла элек.


Эске салсак, Беларус жарандары Максим Полянский, 60 жаштагы Николай Свиридов жана Литва жараны Сергей Рубцов 2-августта Корумду чокусуна ийгиликтүү чыгышкан. 4-августта алар базалык лагерге түшө баштамак, бирок белгиленген убакта байланышқа чыгышкан эмес. ӨКМ жана ыктыярчылар издөө иштерин баштаган. Бирок аба ырайынын начардыгынан издөө иштери кыйындап, баалуу убакыт жоголгон.
Корумду чокусу Ленин чокусунун чыгыш тарабында, Чоң-Алай кырка тоосунда жайгашкан. Ал Кыргызстан, Тажикстан жана Кытайдын чек арасына жакын аймакта турат. Тоо массиви кууш кырлары, тик аскалуу чокулары жана тик капталдардан түшкөн мөңгүлөрү менен мүнөздөлөт.

2001-жылга чейин ар кайсы өлкөлөрдүн экспедициялары чокуга бир нече жолу чыгууга аракет кылып, бирок ийгиликке жеткен эмес. Корумдуга биринчи тастыкталган чыгуу 2001-жылдын 12-октябрында Александр Губаев жетектеген Кыргызстандын командасы тарабынан жасалган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18