Ошто карыган кишинин батиринен эки унаа таштанды чыгарылды
Ош шаарындагы Чкалов көчөсү 34 дарегинде жайгашкан көп кабаттуу үйдөгү тургундардын бири таштандыга толтуруп салган батир тазаланды. Батирден чыккан жагымсыз жытка жергиликтүү тургундар даттанышкан.
Ош мэриясынын Муниципалдык инспекциясынын кызматкерлери «Тазалык» ишканасынын жумушчулары менен биргеликте жерине барып, тазалоо иштерин жүргүзүштү. Батирден эки машина таштанды чыгарылды.
Мэрия жарыялаган видеодон батирдин ичинде катыган өткөн нан, пластик жана башка калдыктар жыйналып турганын көрүүгө болот. Батирдин ээси менен муниципалдык инспекциянын кызматкерлери түшүндүрүү иштерин жүргүзүштү.