USD87.45EUR96.10RUB1.06
24.kg

Таласта «Баластан» борборунун курулуш сапатына нааразы болушууда

11:05, 14 сентября 2026, Бишкек - 24.kg

Социалдык тармактарда Талас шаарында ачылган «Баластан» балдар көңүл ачуу борборундагы курулуш иштеринин сапаты талкууланууда.

Тараган видеодо автор паркта орнотулган чырактарды көрсөткөн. Анын айтымында, чырактар жөн гана топурак менен көмүлүп койгон, чайпалып турат жана бетон менен бекитилген эмес.

«Бардык чырактар чайпалып турат, аларды эч кандай күч жумшабай эле көтөрүп алсам болот. Ошондой эле сугаруу системасы да жок. Өсүмдүктөрдү мындай отургузууда аларды сугарууну ойлонуштуруу керек болчу. Сугаруу системасын коммуникацияларды өткөрүү менен ар кандай ландшафттык иштерге чейин жүргүзүшөт. Эгер мен буйрутмачы болсом, подрядчыга катуу суроолорду берет элем», — дейт ролик автору. Пикирлерде колдонуучулар төшөлгөн плиткалардын да сапаты төмөн экенин белгилешкен.

Эске салсак, Таластагы «Баластан» борбору 11-сентябрда президент Садыр Жапаровдун жумушчу сапары учурунда ачылган. 1,7 гектар аянтта оюн жана өнүктүрүү зоналары, аттракциондор жана STEAM-академиясы жайгаштырылган. Долбоорду ишке ашырууга 1 миллиард 750 миллион сом бөлүнгөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18