Ош шаарынын Ак-Тилек кичи районундагы Жолон Мамытов атындагы сейил бак пайдаланууга берилди. Бул тууралуу мэриянын басма сөз кызматы билдирди.
Ачылыш аземге шаар мэри Жанарбек Акаев, Жогорку Кеңештин депутаты Азамат Исраилов, шаардык кеңеш, тургундар катышты. Калаа башчысы тургундар үчүн эстелик тактайчасын орнотуп, жарыктандырууга старт берди.
Жолон Мамытов атындагы сквер Ош шаарынын капиталдык курулуш башкармалыгы тарабынан курулуп, заманбап отургучтар, акындын ырынын саптары менен атайын инсталяция, атайын жарыктандыруу, балдар аянтчасы, воркаут зонасы бар.
Белгилей кетсек, бул алты айдын ичинде ачылган отузунчу сквер болуп калды.




