Көчмөндөр оюндары −2026: Кырчында этношаарчанын ордуна көп жылдык газон себилет
Кырчын жайлоосундагы этношаарчанын аймагында VI Дүйнөлүк көчмөндөр оюндарынын алкагында тигилген боз үйлөр жана убактылуу инфраструктура чечилгенден кийин көп жылдык газон себилет. Бул тууралуу Маданият, маалымат жана жаштар саясаты министрлигинин басма сөз кызматы билдирди.
Маалыматка ылайык, боз үйлөр жана убактылуу объектилер алынгандан кийин атайын даярдалган аянттарга жергиликтүү климаттык шарттарга ылайыкташкан көп жылдык газон чөбү себилет.

Иштер министрлик тарабынан Жаратылыш ресурстары, экология жана техникалык көзөмөл министрлиги жана жергиликтүү бийлик менен биргеликте жүргүзүлөт.
Ошондой эле «Шамал» фестивалынын катышуучулары аймакты жашылдандыруу иштерине катышат.