Трамп республикачылар жеңишке жетсе, ар бир америкалыкка 5 миң доллардан береби?
Дональд Трамп, эгерде АКШдагы орто мөөнөттүү шайлоонун жыйынтыгы боюнча республикачылар Конгресстин эки палатасын тең көзөмөлдөп калышса, жашка толгон бардык америкалыктар 5 миң доллардан алышарын убада кылды.

«Мен төмөндөгүдөй убада берем: эгерде республикачылар АКШнын Өкүлдөр палатасында жана Сенатында — эки палатада тең жеңишке жетишсе, биздин экономикалык ийгиликтерибиздин урматына... мен АКШнын ар бир жашка толгон жаранына 5 миң доллар өлчөмүндө дивиденд төлөп берем», — деди ал Далласта, АКШ Конгрессине ноябрь айында боло турган орто мөөнөттүү шайлоонун алдында өтүп жаткан башкаруучу Республикалдык партиянын улуттук съездинде сүйлөп жатып.
Ак үйдүн башчысы америкалыктар «бул акчаны АКШнын ичинде коротууга тийиш» экенин баса белгиледи. Анын айтымында, «бул Трамптын дивиденддери деп аталат».
Конгресске орто мөөнөттүү шайлоо 3-ноябрда өтөт, анда Конгресстин Сенатынын 100 мүчөсүнүн 33ү жана Өкүлдөр палатасынын бардык 435 мүчөсү кайра шайланат. Учурда республикачылар мыйзам чыгаруу органынын эки палатасын тең көзөмөлдөп турушат.