Кыргызстанда эл аралык Ысык-Көл оюндары башталды. Бул тууралуу Дене тарбия жана спорт мамлекеттик агенттигинин басма сөз кызматы билдирди.

Көл жээгинде кечээ мелдештердин расмий ачылыш аземи өттү.
Эл аралык оюндар спорттун 21 түрү боюнча өтүүдө. Мелдешке Кыргызстандан сырткары Россия, Кытай, Казакстан, Өзбекстан, Литва, Германия, АКШ, Иран, Корея жана Монголиядан келген спортчулар катышууда.
Спортчулар ар кандай спорттук дисциплиналар боюнча күч сынашууда.
«Ысык-Көл» турнири спортчулардын ортосунда тажрыйба алмашуу, эл аралык спорттук байланыштарды чыңдоо жана аймактагы спорттук иш-чараларды өнүктүрүү максатында өткөрүлүүдө.
Оюндар 12-сентябрга чейин уланат.