Кышка даярдык. Кара-Балта ЖЭБ 11 миң тонна көмүр сатып алат
«Кара-Балта жылуулук электр борбору» муниципалдык ишканасы 73,9 миллион сомго Д маркасындагы 11 миң тонна көмүр сатып алууну пландап жатат. Тиешелүү өтүнмө мамлекеттик сатып алуулар порталында жарыяланды.
Жеткирүүчүгө бир катар талаптар коюлган, анын ичинде көмүрдүн күлдүүлүгү 25 пайыздан ашпашы, нымдуулугу 15 пайызга чейин жана фракциясынын көлөмү 50 миллиметрге чейин болушу керек. Катуу отундун сапаты ар бир партияны кабыл алууда текшерилет.
Ошондой эле жеткирүүчү же өндүрүүчү кепилдик кат бериши зарыл. Өтүнмөлөр 2026-жылдын 14-сентябрына чейин кабыл алынат.