Бүгүндөн тарта Бишкектин Ганди көчөсүндө жол кыймылына чектөө кирет
Бишкекте 8-сентябрдан тарта Махатма Ганди көчөсүнүн (мурдагы Муромская көчөсү) Ахунбаев көчөсүнөн Гагарин көчөсүнө чейинки бөлүгүндө транспорт каражаттарынын кыймылына убактылуу чектөө киргизилет
Чектөөлөр оңдоо иштерине байланыштуу киргизилүүдө.
Шаар тургундарынан жана борбор калаанын конокторунан каттамдарын алдын ала пландап, мүмкүнчүлүккө жараша альтернативдүү багыттарды тандоо өтүнүчү айтылды.
Кыймыл толугу менен качан калыбына келтирилери азырынча айтыла элек. Тилкенин ачылышы оңдоо иштеринин жүрүшүнөн жана аякташына байланыштуу болот.