Чүй облусунда 20 жаштагы жигитти издөө иштери уланууда
Чүй облусунда 20 жаштагы жигитти издөө иштери уланууда. Ал 3-сентябрда Кыз-Моло айылындагы суу сактагычка түшүп кеткен.
Өзгөчө кырдаалдар министрлигинин облустук башкармалыгынан билдиришкендей, бүгүн издөө иштерин 16 куткаруучу-суучул улантты. Ошондой эле аларга милиция кызматкерлери жана жоголгон жарандын жакындары кошулушту.
ӨКМдин маалыматы боюнча, жылдын биринчи алты айында Кыргызстанда сууга чөгүп кетүүдөн 41 адам каза болгон. Алардын ичинен 13ү кичинекей балдар жана экөө өспүрүмдөр.