USD87.45EUR95.88RUB1.07
24.kg

Кыргызстанда багбандар алмаларын кайра иштетүүгө тапшырат. Жаңы завод ишке кирди

19:25, 04 сентября 2026, Бишкек - 24.kg

1-октябрдан тартып кыргызстандыктар, өстүргөн алмаларын, анын ичинде сатууга жараксыз болгон, сорттолбогон жана өлчөмү боюнча талапка жооп бербеген алмаларды жаңы Global ECO Green заводуна кайра иштетүүгө тапшыра алышат.

Ишкана Жалал-Абад облусунун Ала-Бука районунда ишке кирип, табигый алма концентратын өндүрүүгө адистешет. Даяр продукция ички рынокко чыгарылып, ошондой эле экспортко жөнөтүлөт.

Global ECO Green заводу ири жеткирүүчүлөр менен гана эмес, жеке чарбалар, фермерлер, багбанчылык кооперативдери, айыл чарба ишканалары, даярдоочулар жана жеткирүүчүлөр менен да иштешүүнү пландап жатат.

Заводдун өндүрүштүк кубаттуулугу бир сезон ичинде 45 миң тоннага чейин алма кайра иштетүүгө мүмкүндүк берет. Ошол эле учурда ишкана сезон ичинде 7 миң тоннага чейин даяр алма концентратын өндүрө алат.

Заводдо алманы кайра иштетүүнүн толук технологиялык цикли каралган. Алма кабыл алынып, жуулат, сорттолот, майдаланат, пресстелет, чыпкаланат, буулантуу жана пастерлөө этаптарынан өтөт. Андан соң даяр продукция асептикалык таңгакка салынат. Натыйжада жергиликтүү чийки заттан табигый тунукташтырылган алма концентраты өндүрүлөт.

Даяр продукцияны Өзбекстанга, Казакстанга, Россияга, Монголияга жана Европа өлкөлөрүнө экспорттоо, ошондой эле Кыргызстандын ички рыногуна жеткирүү пландалууда.

Мунун аркасында Кыргызстанда өстүрүлгөн алма өлкө ичинде толук кайра иштетүүдөн өтүп, жергиликтүү чийки заттан өндүрүлгөн даяр концентрат чет өлкөлүк рынокторго чыгууга мүмкүнчүлүк алат. Ал эми жергиликтүү багбандар үчүн бул түшүмдү өткөрүүнүн кошумча каналы жана кайра иштетүүчү ишкана менен алдын ала туруктуу кызматташтык түзүүгө шарт түзөт.

Global ECO Green Жалал-Абад, Ош, Чүй жана Ысык-Көл облустарынан алма сатып алууга жана кабыл алууга кызыкдар.

Кызматташууга кызыкдар болгон жеткирүүчүлөр шарттар менен таанышып, алманы кайра иштетүүгө тапшыруу үчүн Global ECO Green компаниясынын расмий сайтында арыз калтыра алышат: https://globalecogreen.kg/sell-apples. 

Кошумча маалымат үчүн байланыш номери: +996 995555636. 

Дареги: Жер тилке «Протравка», Ак Коргон а. Алабука району, Жалал-Абад облусу, Кыргыз Республикасы. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18