Ошто миграциялык эрежелерди бузганы үчүн 665 чет өлкөлүккө айып пул салынды
Ош облусунда 2026-жылдын август айында «Нелегал» рейдинин алкагында 665 чет элдик жаранга айып пул салынды. Бул тууралуу Улуттук коопсуздук мамлекеттик комитети билдирди.
Рейдди атайын кызматтын кызматкерлери ички иштер органдары менен биргеликте өткөрүштү.
Текшерүү учурунда укук коргоочулар чет өлкөлүктөргө Кыргызстанда жүрүү эрежелерин жана коомдук тартипти сактоо зарылдыгын түшүндүрүштү.
Август айынын ичинде өткөрүлгөн иш-чаралардын жыйынтыгы боюнча миграциялык мыйзамдарды бузгандыгы үчүн 665 чет элдик жаранга айып пул салынган.




